اسی کے ہونٹوں کے پھول باب قبول چومیں
سو ہم اٹھا لائیں اب کے حرف دعا اسی کا

کبیر اجمل

---

---

وہ میرے خواب چرا کر بھی خوش نہیں اجملؔ
وہ ایک خواب لہو میں جو پھیل جانا تھا

کبیر اجمل

---

---

یہ غم مرا ہے تو پھر غیر سے علاقہ کیا
مجھے ہی اپنی تمنا کا بار ڈھونے دے

کبیر اجمل

---

---

یوں خوش نہ ہو اے شہر نگاراں کے در و بام
یہ وادئ سفاک بھی رہنے کی نہیں ہے

کبیر اجمل

---

---

ضمیر و ذہن میں اک سرد جنگ جاری ہے
کسے شکست دوں اور کس پہ فتح پاؤں میں

کبیر اجمل

---

---

زندہ کوئی کہاں تھا کہ صدقہ اتارتا
آخر تمام شہر ہی خاشاک ہو گیا

کبیر اجمل

---

---