milne ki ye kaun ghaDi thi
bahar hijr ki raat khaDi thi

Ahmad Mushtaq

---

---

mil hi jaega kabhi dil ko yaqin rahta hai
wo isi shahr ki galiyon mein kahin rahta hai

Ahmad Mushtaq

---

---

maut KHamoshi hai chup rahne se chup lag jaegi
zindagi aawaz hai baaten karo baaten karo

Ahmad Mushtaq

---

---

main ne kaha ki dekh ye main ye hawa ye raat
us ne kaha ki meri paDhai ka waqt hai

Ahmad Mushtaq

---

---

main bahut KHush tha kaDi dhup ke sannaTe mein
kyun teri yaad ka baadal mere sar par aaya

Ahmad Mushtaq

---

---

koi taswir mukammal nahin hone pati
dhup dete hain to saya nahin rahne dete

Ahmad Mushtaq

---

---

kisi jaanib nahin khulte dariche
kahin jata nahin rasta hamara

Ahmad Mushtaq

---

---

khoya hai kuchh zarur jo us ki talash mein
har chiz ko idhar se udhar kar rahe hain hum

Ahmad Mushtaq

---

---

KHair badnam to pahle bhi bahut the lekin
tujh se milna tha ki par lag gae ruswai ko

Ahmad Mushtaq

---

---