kaise aa sakti hai aisi dil-nashin duniya ko maut
kaun kahta hai ki ye sab kuchh fana ho jaega

Ahmad Mushtaq

---

---

umr bhar dukh sahte sahte aaKHir itna to hua
apni chup ko dekh leta hun sada bante hue

Ahmad Mushtaq

---

---

tu ne hi to chaha tha ki milta rahun tujh se
teri yahi marzi hai to achchha nahin milta

Ahmad Mushtaq

---

---

tu agar pas nahin hai kahin maujud to hai
tere hone se baDe kaam hamare nikle

Ahmad Mushtaq

---

---

tum aae ho tumhein bhi aazma kar dekh leta hun
tumhaare sath bhi kuchh dur ja kar dekh leta hun

Ahmad Mushtaq

---

---

tere aane ka din hai tere raste mein bichhane ko
chamakti dhup mein sae ikaTThe kar raha hun main

Ahmad Mushtaq

---

---

tanhai mein karni to hai ek baat kisi se
lekin wo kisi waqt akela nahin hota

Ahmad Mushtaq

---

---

tamasha-gah-e-jahan mein majal-e-did kise
yahi bahut hai agar sarsari guzar jaen

Ahmad Mushtaq

---

---

chhat se kuchh qahqahe abhi tak
jalon ki tarah laTak rahe hain

Ahmad Mushtaq

---

---