guzre hazar baadal palkon ke sae sae
utre hazar suraj ek shah-nashin-e-dil pa

Ahmad Mushtaq

---

---

gum raha hun tere KHayalon mein
tujh ko aawaz umr bhar di hai

Ahmad Mushtaq

---

---

ek lamhe mein bikhar jata hai tana-bana
aur phir umr guzar jati hai yakjai mein

Ahmad Mushtaq

---

---

dukh ke safar pe dil ko rawana to kar diya
ab sari umr hath hilate rahenge hum

Ahmad Mushtaq

---

---

dil fasurda to hua dekh ke us ko lekin
umr bhar kaun jawan kaun hasin rahta hai

Ahmad Mushtaq

---

---

dil bhar aaya kaghaz-e-KHali ki surat dekh kar
jin ko likhna tha wo sab baaten zabani ho gain

Ahmad Mushtaq

---

---

dhuen se aasman ka rang maila hota jata hai
hare jangal badalte ja rahe hain kar-KHanon mein

Ahmad Mushtaq

---

---

chup kahin aur liye phirti thi baaten kahin aur
din kahin aur guzarte the to raaten kahin au

Ahmad Mushtaq

---

---

hum apni dhup mein baiThe hain 'mushtaq'
hamare sath hai saya hamara

Ahmad Mushtaq

---

---