is marke mein ishq bechaara karega kya
KHud husn ko hain jaan ke lale paDe hue

Ahmad Mushtaq

---

---

ek zamana tha ki sab ek jagah rahte the
aur ab koi kahin koi kahin rahta hai

Ahmad Mushtaq

---

---

ek raat chandni mere bistar pe aai thi
main ne tarash kar tera chehra bana diya

Ahmad Mushtaq

---

---

hoti hai sham aankh se aansu rawan hue
ye waqt qaidiyon ki rihai ka waqt hai

Ahmad Mushtaq

---

---

hijr ek waqfa-e-bedar hai do nindon mein
wasl ek KHwab hai jis ki koi tabir nahin

Ahmad Mushtaq

---

---

hamara kya hai jo hota hai ji udas bahut
to gul tarashte hain titliyan banate hain

Ahmad Mushtaq

---

---

hum un ko soch mein gum dekh kar wapas chale aae
wo apne dhyan mein baiThe hue achchhe lage hum ko

Ahmad Mushtaq

---

---