is se baDh kar koi inam-e-hunar kya hai 'faraaz'
apne hi ahd mein ek shaKHs fasana ban jae

Ahmad Faraz

---

---

is se pahle ki be-wafa ho jaen
kyun na ai dost hum juda ho jaen

Ahmad Faraz

---

---

is zindagi mein itni faraghat kise nasib
itna na yaad aa ki tujhe bhul jaen hum

Ahmad Faraz

---

---

jaane kis aalam mein tu bichhDa ki hai tere baghair
aaj tak har naqsh fariyaadi meri tahrir ka

Ahmad Faraz

---

---

jab bhi dil khol ke roe honge
log aaram se soe honge

Ahmad Faraz

---

---

ji mein jo aati hai kar guzro kahin aisa na ho
kal pasheman hon ki kyun dil ka kaha mana nahin

Ahmad Faraz

---

---

jis samt bhi dekhun nazar aata hai ki tum ho
ai jaan-e-jahan ye koi tum sa hai ki tum ho

Ahmad Faraz

---

---

jis se ye tabiat baDi mushkil se lagi thi
dekha to wo taswir har ek dil se lagi thi

Ahmad Faraz

---

---

jo ghair the wo isi baat par hamare hue
ki hum se dost bahut be-KHabar hamare hue

Ahmad Faraz

---

---