kise KHabar wo mohabbat thi ya raqabat thi
bahut se log tujhe dekh kar hamare hue

Ahmad Faraz

---

---

kisi bewafa ki KHatir ye junun 'faraaz' kab tak
jo tumhein bhula chuka hai use tum bhi bhul jao

Ahmad Faraz

---

---

kisi dushman ka koi tir na pahuncha mujh tak
dekhna ab ke mera dost kaman khenchta hai

Ahmad Faraz

---

---

kisi ko ghar se nikalte hi mil gai manzil
koi hamari tarah umr bhar safar mein raha

Ahmad Faraz

---

---

kitna aasan tha tere hijr mein marna jaanan
phir bhi ek umr lagi jaan se jate jate

Ahmad Faraz

---

---

kitne nadan hain tere bhulne wale ki tujhe
yaad karne ke liye umr paDi ho jaise

Ahmad Faraz

---

---

kuchh is tarah se guzari hai zindagi jaise
tamam umr kisi dusre ke ghar mein raha

Ahmad Faraz

---

---

kuchh mushkilen aisi hain ki aasan nahin hotin
kuchh aise muamme hain kabhi hal nahin hote

Ahmad Faraz

---

---

kya kahen kitne marasim the hamare us se
wo jo ek shaKHs hai munh pher ke jaane wala

Ahmad Faraz

---

---