le uDa phir koi KHayal hamein
saqiya saqiya sambhaal hamein
Ahmad Faraz
lo phir tere labon pe usi bewafa ka zikr
ahmad 'faraaz' tujh se kaha na bahut hua
Ahmad Faraz
main bhi palkon pe saja lunga lahu ki bunden
tum bhi pa-basta-e-zanjir-e-hina ho jaana
Ahmad Faraz
main KHud ko bhul chuka tha magar jahan wale
udas chhoD gae aaina dikha ke mujhe
Ahmad Faraz
main kya karun mere qatil na chahne par bhi
tere liye mere dil se dua nikalti hai
Ahmad Faraz
main ne dekha hai bahaaron mein chaman ko jalte
hai koi KHwab ki tabir batane wala
Ahmad Faraz
main raat TuT ke roya to chain se soya
ki dil ka zahr meri chashm-e-tar se nikla tha
Ahmad Faraz
mai-kade mein kya takalluf mai-kashi mein kya hijab
bazm-e-saqi mein adab aadab mat dekha karo
Ahmad Faraz
mar gae pyas ke mare to uTha abr-e-karam
bujh gai bazm to ab shama jalata kya hai
when the parched had died of thirst, then the flagon came
the gathering is extinguished now why do you light the flame?
Ahmad Faraz