jo ghazal aaj tere hijr mein likkhi hai wo kal
kya KHabar ahl-e-mohabbat ka tarana ban jae

Ahmad Faraz

---

---

jo zahr pi chuka hun tumhin ne mujhe diya
ab tum to zindagi ki duaen mujhe na do

the poison I have partaken was served by you to me
now you at least cease to pray for my longevity

Ahmad Faraz

---

---

judaiyan to muqaddar hain phir bhi jaan-e-safar
kuchh aur dur zara sath chal ke dekhte hain

Ahmad Faraz

---

---

juz tere koi bhi din raat na jaane mere
tu kahan hai magar ai dost purane mere

Ahmad Faraz

---

---

kabhi 'faraaz' se aa kar milo jo waqt mile
ye shaKHs KHub hai ashaar ke alawa bhi

Ahmad Faraz

---

---

kaThin hai rahguzar thoDi dur sath chalo
bahut kaDa hai safar thoDi dur sath chalo

Ahmad Faraz

---

---

kaun taqon pe raha kaun sar-e-rahguzar
shahr ke sare charaghon ko hawa jaanti hai

Ahmad Faraz

---

---

kis kis ko bataenge judai ka sabab hum
tu mujh se KHafa hai to zamane ke liye aa

Ahmad Faraz

---

---

kis ko bikna tha magar KHush hain ki is hile se
ho gain apne KHaridar se baaten kya kya

Ahmad Faraz

---

---