محبت کے اقرار سے شرم کب تک
کبھی سامنا ہو تو مجبور کر دوں

اختر شیرانی

---

---

ملا کر خاک میں بھی ہائے شرم ان کی نہیں جاتی
نگہ نیچی کئے وہ سامنے مدفن کے بیٹھے ہیں

امیر مینائی

---

---

شرم بھی اک طرح کی چوری ہے
وہ بدن کو چرائے بیٹھے ہیں

انور دہلوی

---

---

جام لے کر مجھ سے وہ کہتا ہے اپنے منہ کو پھیر
رو بہ رو یوں تیرے مے پینے سے شرماتے ہیں ہم

غمگین دہلوی

---

---

شب وصل کیا جانے کیا یاد آیا
وہ کچھ آپ ہی آپ شرما رہے ہیں

جاوید لکھنوی

---

---

ہمیں جب نہ ہوں گے تو کیا رنگ محفل
کسے دیکھ کر آپ شرمایئے گا

جگر مراد آبادی

---

---

اس حسن کا شیوہ ہے جب عشق نظر آئے
پردے میں چلے جانا شرمائے ہوئے رہنا

منیر نیازی

---

---