mohabbat ke iqrar se sharm kab tak
kabhi samna ho to majbur kar dun

Akhtar Shirani

---

---

mila kar KHak mein bhi hae sharm un ki nahin jati
nigah nichi kiye wo samne madfan ke baiThe hain

Ameer Minai

---

---

sharm bhi ek tarah ki chori hai
wo badan ko churae baiThe hain

Anwar Dehlvi

---

---

jam le kar mujh se wo kahta hai apne munh ko pher
ru-ba-ru yun tere mai pine se sharmate hain hum

Ghamgeen Dehlvi

---

---

shab-e-wasl kya jaane kya yaad aaya
wo kuchh aap hi aap sharma rahe hain

Javed Lakhnvi

---

---

hamin jab na honge to kya rang-e-mahfil
kise dekh kar aap sharmaiyega

Jigar Moradabadi

---

---

us husn ka shewa hai jab ishq nazar aae
parde mein chale jaana sharmae hue rahna

Muneer Niyazi

---

---