chalo kahin pe talluq ki koi shakl to ho
kisi ke dil mein kisi ki kami ghanimat hai

Aftab Hussain

---

---

mujhe manzur gar tark-e-ta'alluq hai raza teri
magar TuTega rishta dard ka aahista aahista

Ahmad Nadeem Qasmi

---

---

talluq kirchiyon ki shakl mein bikhra to hai phir bhi
shikasta aainon ko joD dena chahte hain hum

Aitbar Sajid

---

---

meri taraf se to TuTa nahin koi rishta
kisi ne toD diya e'tibar TuT gaya

Akhtar Nazmi

---

---

ose biwi ke hansi bachchon ki aankhen man ki
qaid-KHane mein giraftar samajhiye hum ko

Fuzail Jafri

---

---

dushmani lakh sahi KHatm na kije rishta
dil mile ya na mile hath milate rahiye

enmity however strong, the contact never break
hearts and minds may be apart, the hands must ever shake

Nida Fazli

---

---