meri KHamoshiyon mein larzan hai
mere nalon ki gum-shuda aawaz

Faiz Ahmad Faiz

---

---

saut kya shai hai KHamushi kya hai
gham kise kahte hain KHushi kya hai

Farhat Shahzad

---

---

ahut gahri hai us ki KHamushi bhi
main apne qad ko chhoTa pa rahi hun

Fatima Hasan

---

---

sunti rahi main sab ke dukh KHamoshi se
kis ka dukh tha mere jaisa bhul gai

Fatima Hasan

---

---

asar bhi le raha hun teri chup ka
tujhe qail bhi karta ja raha hun

Firaq Gorakhpuri

---

---

ilm ki ibtida hai hangama
ilm ki intiha hai KHamoshi

Firdaus Gayavi

---

---

kuchh kahne ka waqt nahin ye kuchh na kaho KHamosh raho
ai logo KHamosh raho han ai logo KHamosh raho

Ibn e Insha

---

---