ye hasil hai meri KHamoshiyon ka
ki patthar aazmane lag gae hain

Madan Mohan Danish

---

---

har ek baat zaban se kahi nahin jati
jo chupke baiThe hain kuchh un ki baat bhi samjho

Mahshar Inayati

---

---

KHamushi teri meri jaan liye leti hai
apni taswir se bahar tujhe aana hoga

Mohammad Ali Sahil

---

---

meri arz-e-shauq be-mani hai un ke waste
un ki KHamoshi bhi ek paigham hai mere liye

Moin Ahsan Jazbi

---

---

chup chup kyun rahte ho 'nasir'
ye kya rog laga rakkha hai

Nasir Kazmi

---

---

main hun raat ka ek baja hai
KHali rasta bol raha hai

Nasir Kazmi

---

---

ang darkar the hum ko teri KHamoshi ke
ek aawaz ki taswir banani thi hamein

Nazir Wahid

---

---