aasman aur zamin ka hai tafawut har-chand
ai sanam dur hi se chand sa mukhDa dikhla
Haidar Ali Aatish
kal chaudhwin ki raat thi shab bhar raha charcha tera
kuchh ne kaha ye chand hai kuchh ne kaha chehra tera
T'was a full moon out last night, all evening there was talk of you
Some people said it was the moon,and some said that it was you
Ibn e Insha
wo raaten chand ke sath gain wo baaten chand ke sath gain
ab sukh ke sapne kya dekhen jab dukh ka suraj sar par ho
Ibn e Insha
chand ka husn bhi zamin se hai
chand par chandni nahin hoti
Ibn-e-Safi
us ke chehre ki chamak ke samne sada laga
aasman pe chand pura tha magar aadha laga
Iftikhar Naseem
chand KHamosh ja raha tha kahin
hum ne bhi us se koi baat na ki
Mahmood Ayaz
lutf-e-shab-e-mah ai dil us dam mujhe hasil ho
ek chand baghal mein ho ek chand muqabil ho
Mirza Mohammad Taqi Hawas