aaina aaina tairta koi aks
aur har KHwab mein dusra KHwab hai

Atiiqullah

---

---

dekh aaina jo kahta hai ki allah-re main
us ka main dekhne wala hun 'baqa' wah-re main

Baqaullah u0027Baqau0027

---

---

aaina dekh kar wo ye samjhe
mil gaya husn-e-be-misal hamein

Bekhud Dehlvi

---

---

na dekhna kabhi aaina bhul kar dekho
tumhaare husn ka paida jawab kar dega

Bekhud Dehlvi

---

---

dekhna achchha nahin zanu pe rakh kar aaina
donon nazuk hain na rakhiyo aaine par aaina

Dagh Dehlvi

---

---

zara visal ke baad aaina to dekh ai dost
tere jamal ki doshizgi nikhar aai

Firaq Gorakhpuri

---

---

hule-bisre hue gham phir ubhar aate hain kai
aaina dekhen to chehre nazar aate hain kai

Fuzail Jafri

---

---