sitar-e-KHwab se bhi baDh kar ye kaun be-mehr hai ki jis ne
charagh aur aaine ko apne wajud ka raaz-dan kiya hai

Ghulam Husain Sajid

---

---

koi munh pher leta hai to 'qasir' ab shikayat kya
tujhe kis ne kaha tha aaine ko toD kar le ja

Ghulam Mohammad Qasir

---

---

main tere waste aaina tha
apni surat ko taras ab kya hai

Ghulam Murtaza Rahi

---

---

aaina dekh kar tasalli hui
hum ko is ghar mein jaanta hai koi

Gulzar

---

---

un ki yaktai ka dawa miT gaya
aaine ne dusra paida kiya

Hafeez Jaunpuri

---

---

muddaten guzrin mulaqat hui thi tum se
phir koi aur na aaya nazar aaine mein

Haneef Kaifi

---

---

aaina dekh ke farmate hain
kis ghazab ki hai jawani meri

Imdad Imam Asar

---

---