aaina kabhi qabil-e-didar na howe
gar KHak ke sath us ko sarokar na howe

Ishq Aurangabadi

---

---

aainon ko zang laga
ab main kaisa lagta hun

Jaun Eliya

---

---

dusron par agar tabsira kijiye
samne aaina rakh liya kijiye

Khumar Barabankavi

---

---

wahdat mein teri harf dui ka na aa sake
aaina kya majal tujhe munh dikha sake

Khwaja Meer u0027Dardu0027

---

---

ek ko do kar dikhae aaina
gar banaen aahan-e-shamshir se

Khwaja Mohammad Vazeer Lakhnavi

---

---

aaina ye to batata hai ki main kya hun magar
aaina is pe hai KHamosh ki kya hai mujh mein

my physical external form, the mirror does reflect
but it does not revel my innermost aspect

Krishn Bihari Noor

---

---

chahe sone ke frame mein jaD do
aaina jhuT bolta hi nahin

in golden frame you may display
untruth the mirror will not say

Krishn Bihari Noor

---

---