اب زمانے میں محبت ہے تماشے کی طرح
اس تماشے سے بہلتا نہیں تو بھی میں بھی

توقیر تقی

---

---

بدن میں دل تھا معلق خلا میں نظریں تھیں
مگر کہیں کہیں سینے میں درد زندہ تھا

توقیر تقی

---

---

بدن میں روح کی ترسیل کرنے والے لوگ
بدل گئے مجھے تبدیل کرنے والے لوگ

توقیر تقی

---

---

دامن بچا رہے تھے کہ چہرہ بھی جل گیا
کس آگ سے گزر کے تری روشنی میں آئے

توقیر تقی

---

---

ہماری راہ میں بیٹھے گی کب تک تیری دنیا
کبھی تو اس زلیخا کی جوانی ختم ہوگی

توقیر تقی

---

---

ہجر تھا بار امانت کی طرح
سو یہ غم آخری ہچکی سے اٹھا

توقیر تقی

---

---

ان سلگتی ہوئی سانسوں کو نہیں دیکھتے لوگ
اور سمجھتے ہیں کہ جلتا نہیں تو بھی میں بھی

توقیر تقی

---

---

جیسے ویران حویلی میں ہوں خاموش چراغ
اب گزرتی ہیں ترے شہر میں شامیں ایسی

توقیر تقی

---

---

کل جہاں دیوار ہی دیوار تھی
اب وہاں در ہے جبیں ہے عشق ہے

توقیر تقی

---

---