ہم دنیا سے جب تنگ آیا کرتے ہیں
اپنے ساتھ اک شام منایا کرتے ہیں

تیمور حسن

---

---

خوشی ضرور تھی تیمورؔ دن نکلنے کی
مگر یہ غم بھی سوا تھا کہ رات بیت گئی

تیمور حسن

---

---

میں نے بخش دی تری کیوں خطا تجھے علم ہے
تجھے دی ہے کتنی کڑی سزا تجھے علم ہے

تیمور حسن

---

---

مکاں سے ہوگا کبھی لا مکان سے ہوگا
مرا یہ معرکہ دونوں جہان سے ہوگا

تیمور حسن

---

---

مری توجہ فقط مرے کام پر رہے گی
میں خود کو ثابت کروں گا دعویٰ نہیں کروں گا

تیمور حسن

---

---

پھر جو کرنے لگا ہے تو وعدہ
کیا مکرنے کا پھر ارادہ ہے

تیمور حسن

---

---

سفر میں ہوتی ہے پہچان کون کیسا ہے
یہ آرزو تھی مرے ساتھ تو سفر کرتا

تیمور حسن

---

---

سورج کے اس جانب بسنے والے لوگ
اکثر ہم کو پاس بلایا کرتے ہیں

تیمور حسن

---

---

تجھے میں اپنا نہیں سمجھتا اسی لیے تو
زمانے تجھ سے میں کوئی شکوہ نہیں کروں گا

تیمور حسن

---

---