بہار اب کے جو گزری تو پھر نہ آئے گی
بچھڑنے والے بچھڑتے سمے یہ کہہ گئے ہیں

تحسین فراقی

---

---

میں جن گلیوں میں پیہم بر سر گردش رہا ہوں
میں ان گلیوں میں اتنا خار پہلے کب ہوا تھا

تحسین فراقی

---

---

میں کہاں اور کہاں شاعری میں نے تو فقط
مجلس شعر بپا کی تو تمہارے لیے کی

تحسین فراقی

---

---

مجھ سا انجان کسی موڑ پہ کھو سکتا ہے
حادثہ کوئی بھی اس شہر میں ہو سکتا ہے

تحسین فراقی

---

---

پھر اس کی یاد نے دستک دل حزیں پر دی
پھر آنسوؤں میں نہاں اس کے خد و خال ہوئے

تحسین فراقی

---

---

سطح دریا کا یہ سفاک سکوں ہے دھوکا
یہ تری ناؤ کسی وقت ڈبو سکتا ہے

تحسین فراقی

---

---

یہ طے ہوا ہے کہ شعر و ادب کے پیمانے
ہمارے شہر کا اک یک فنا ہی طے کرے گا

تحسین فراقی

---

---