aa shitabi sin wagarna majlis-e-ushshaq mein
zulm hai gham hai qayamat hai KHarabi ai sanam

Siraj Aurangabadi

---

---

aai hai tere ishq ki bazi dil-o-jaan par
is waqt nazar kab hai mujhe sud-o-ziyan pa

Siraj Aurangabadi

---

---

aankh uThate hi mere hath sin mujh kun le gae
KHub ustad ho tum jaan ke le jaane mein

Siraj Aurangabadi

---

---

abas in shahriyon mein waqt apna hum kiye zae
kisi majnun ki sohbat baiTh diwane hue hote

Siraj Aurangabadi

---

---

ai aql nikal ja ki dhuan aah ka nahin hai
ye ishq ke lashkar ki sipahi nazar aai

Siraj Aurangabadi

---

---

ai nasim-e-sahari bu-e-mohabbat le aa
turra-e-yar sati itr ki mahkar kun khol

Siraj Aurangabadi

---

---

ai nur-e-nazar muntazir-e-wasl hun aa ja
do paT palak ke nahin darwaza hua mahz

Siraj Aurangabadi

---

---

ai shoKH gulistan main nahin ye gul-e-rangin
aaya dil-e-sad-chaak mera rang badal ka

Siraj Aurangabadi

---

---

agula jin ke sar par chatr-e-shahi hai zamin masnad
wahi aqlim-e-gham mein aah ki naubat bajate hain

Siraj Aurangabadi

---

---