tere suKHan mein ai naseh nahin hai kaifiyyat
zaban-e-qulqul-e-mina sin sun kalam-e-shara

Siraj Aurangabadi

---

---

teri abru hai mehrab-e-mohabbat
namaz-e-ishq mere par hui farz

Siraj Aurangabadi

---

---

tujh zulf mein dil ne gum kiya rah
is prem gali kun intiha nain

Siraj Aurangabadi

---

---

tumhaari zulf ka har tar mohan
hua mere gale ka haar mohan

Siraj Aurangabadi

---

---

waqt hai ab namaz-e-maghrib ka
chand ruKH lab shafaq hai gesu sham

Siraj Aurangabadi

---

---

wasl ke din shab-e-hijran ki haqiqat mat puchh
bhul jaani hai mujhe subh kun phir sham ki baat

Siraj Aurangabadi

---

---

wo aashiqi ke khet mein sabit qadam hua
jo koi zaKHm-e-ishq liya dil ki Dhaal pa

Siraj Aurangabadi

---

---

wo ajab ghaDi thi main jis ghaDi liya dars nusKHa-e-ishq ka
ki kitab aql ki taq par jun dhari thi tyun hi dhari rahi

Siraj Aurangabadi

---

---

wo zulf-e-pur-shikan lagti nahin hat
mujhe sari pareshani yahi hai

Siraj Aurangabadi

---

---