muwafaqat kare kyun mai-kashon sati zahid
idhar sharab udhar masjid-o-musalla hai

Siraj Aurangabadi

---

---

na mile jab talak visal us ka
tab talak faut hai mera matla

Siraj Aurangabadi

---

---

nahin baKHshi hai kaifiyyat nasihat KHushk zahid ki
jala dew aatish-e-sahba sin is kaDbi ke pole kun

Siraj Aurangabadi

---

---

nahin bujhti hai pyas aansu sin lekin
karen kya ab to yan pani yahi hai

Siraj Aurangabadi

---

---

naqd-e-dil-e-KHalis kun meri qalb tun mat jaan
hai tujh kun agar shubh to kas dekh tapa dekh

Siraj Aurangabadi

---

---

nazar aata nahin mujh kun sabab kya
mera nazuk badan haihat haihat

Siraj Aurangabadi

---

---

nazar-e-taghaful-e-yar ka gila kis zaban sin karun bayan
ki sharab-e-sad-qadah aarzu KHum-e-dil mein thi so bhari rahi

Siraj Aurangabadi

---

---

nind sin khul gain meri aankhen so dekha yar kun
ya andhaara is qadar tha ya ujala ho gaya

Siraj Aurangabadi

---

---

tumhaari zulf ka har tar mohan
hua mere gale ka haar mohan

Siraj Aurangabadi

---

---