KHabar-e-tahayyur-e-ishq sun na junun raha na pari rahi
na to tu raha na to main raha jo rahi so be-KHabari rahi

Siraj Aurangabadi

---

---

khul gae us ki zulf ke dekhe
pech-e-dastar-e-zahid-e-makka

Siraj Aurangabadi

---

---

kiya hai jab sin amal be-KHudi ke hakim ne
KHirad-nagar ki raiyat hui hai ru ba-gurez

Siraj Aurangabadi

---

---

kiya KHak aatish-e-ishq ne dil-e-be-nawa-e-'siraj' kun
na KHatar raha na hazar raha magar ek be-KHatari rahi

Siraj Aurangabadi

---

---

kufr-o-iman do nadi hain ishq kin
aaKHirash dono ka sangam howega

Siraj Aurangabadi

---

---

kya hoega sunoge agar kan dhar ke tum
guzri birah ki raat jo mujh par kahaniyan

Siraj Aurangabadi

---

---

kya puchhte ho tum ki tera dil kidhar gaya
dil ka makan kahan yahi dil-dar ki taraf

Siraj Aurangabadi

---

---

kyunki howe zahid KHud-bin murid-e-zulf-e-yar
us ne sari umr mein zunnar kun dekha na tha

Siraj Aurangabadi

---

---

main hun to diwana pa kisi zulf ka nahin hun
wallah ki rakhta nahin yak tar kisi ka

Siraj Aurangabadi

---

---