دیکھ کر شاعر نے اس کو نکتۂ حکمت کہا
اور بے سوچے زمانہ نے اسے عورت کہا

شاد عارفی

---

---

جب چلی اپنوں کی گردن پر چلی
چوم لوں منہ آپ کی تلوار کا

شاد عارفی

---

---

جہان درد میں انسانیت کے ناطے سے
کوئی بیان کرے میری داستاں ہوگی

شاد عارفی

---

---

کہیں فطرت بدل سکتی ہے ناموں کے بدلنے سے
جناب شیخ کو میں برہمن کہہ دوں تو کیا ہوگا

شاد عارفی

---

---

کٹتی ہے آرزو کے سہارے پہ زندگی
کیسے کہوں کسی کی تمنا نہ چاہئے

شاد عارفی

---

---

نہیں ہے انسانیت کے بارے میں آج بھی ذہن صاف جن کا
وہ کہہ رہے ہیں کہ جس سے نیکی کرو گے اس سے بدی ملے گی

شاد عارفی

---

---

رنگ لائے گی ہماری تنگ دستی ایک دن
مثل غالبؔ شادؔ گر سب کچھ ادھار آتا گیا

شاد عارفی

---

---

رفتہ رفتہ میری الغرضی اثر کرتی رہی
میری بے پروائیوں پر اس کو پیار آتا گیا

شاد عارفی

---

---

شادؔ غیرممکن ہے شکوۂ بتاں مجھ سے
میں نے جس سے الفت کی اس کو باوفا پایا

شاد عارفی

---

---