آج دیوانے کا ذوق دید پورا ہو گیا
تجھ کو دیکھا اور اس کے بعد اندھا ہو گیا

سردار سلیم

---

---

بادشاہت کے مزے ہیں خاکساری میں سلیمؔ
یہ نظارہ یار کے کوچے میں رہ کے دیکھنا

سردار سلیم

---

---

فکر و احساس کے تپتے ہوئے منظر تک آ
میرے لفظوں میں اتر کر مرے اندر تک آ

سردار سلیم

---

---

غالبؔ دانا سے پوچھو عشق میں پڑ کر سلیم
ایک معقول آدمی کیسے نکما ہو گیا

سردار سلیم

---

---

کچھ ایسا ہو کہ تصویروں میں جل جائے تصور بھی
محبت یاد آئے گی تو شکوے یاد آئیں گے

سردار سلیم

---

---

نور کی شاخ سے ٹوٹا ہوا پتا ہوں میں
وقت کی دھوپ میں معدوم ہوا جاتا ہوں

سردار سلیم

---

---

وقت کے صحرا میں ننگے پاؤں ٹھہرے ہو سلیمؔ
دھوپ کی شدت یکایک بڑھ نہ جائے چل پڑو

سردار سلیم

---

---