اگر شعور نہ ہو تو بہشت ہے دنیا
بڑے عذاب میں گزری ہے آگہی کے ساتھ

صہبا اختر

---

---

بیان لغزش آدم نہ کر کہ وہ فتنہ
مری زمیں سے نہیں تیرے آسماں سے اٹھا

صہبا اختر

---

---

دل کے اجڑے نگر کو کر آباد
اس ڈگر کو بھی کوئی راہی دے

صہبا اختر

---

---

ہمیں خبر ہے زن فاحشہ ہے یہ دنیا
سو ہم بھی ساتھ اسے بے نکاح رکھتے ہیں

صہبا اختر

---

---

میں اسے سمجھوں نہ سمجھوں دل کو ہوتا ہے ضرور
لالہ و گل پر گماں اک اجنبی تحریر کا

صہبا اختر

---

---

میرے سخن کی داد بھی اس کو ہی دیجئے
وہ جس کی آرزو مجھے شاعر بنا گئی

صہبا اختر

---

---

مری تنہائیوں کو کون سمجھے
میں سایہ ہوں مگر خود سے جدا ہوں

صہبا اختر

---

---

صہباؔ صاحب دریا ہو تو دریا جیسی بات کرو
تیز ہوا سے لہر تو اک جوہڑ میں بھی آ جاتی ہے

صہبا اختر

---

---

شاید وہ سنگ دل ہو کبھی مائل کرم
صورت نہ دے یقین کی اس احتمال کو

صہبا اختر

---

---