aawazon ki bhiD mein itne shor-sharabe mein
apni bhi ek rae rakhna kitna mushkil hai

Naseem Sahar

---

---

a-nam-e-amn-o-aman kaun mara jaega
na jaane aaj yahan kaun mara jaega

Naseem Sahar

---

---

diye ab shahr mein raushan nahin hain
hawa ki hukmarani ho gai kya

Naseem Sahar

---

---

hudud-e-waqt ke darwaze muntazir hain 'nasim'
ki tu ye fasle kar ke ubur dastak de

Naseem Sahar

---

---

jo baat ki thi hawa mein bikharne wali thi
jo KHat likha tha wo purzon mein baTne wala tha

Naseem Sahar

---

---

jo yaad-e-yar se guft-o-shunid kar li hai
to goya phul se KHushbu kashid kar li hai

Naseem Sahar

---

---

kabhi to sard laga dopahar ka suraj bhi
kabhi badan ke liye ek karan ziyaada hui

Naseem Sahar

---

---

lafz bhi jis ahd mein kho baiThe apna e'tibar
KHamushi ko is mein kitna mo'tabar main ne kiya

Naseem Sahar

---

---

safar ka marhala-e-saKHt hi ghanimat tha
Thahar gae to badan ki thakan ziyaada hui

Naseem Sahar

---

---