ایسا نہ ہو کہ تازہ ہوا اجنبی لگے
کمرے کا ایک آدھ دریچہ کھلا بھی رکھ

مرغوب علی

---

---

بھیگی مٹی کی مہک پیاس بڑھا دیتی ہے
درد برسات کی بوندوں میں بسا کرتا ہے

مرغوب علی

---

---

بچھڑ کے تجھ سے عجب حال ہو گیا میرا
تمام شہر پرایا دکھائی دیتا ہے

مرغوب علی

---

---

ہمیں تو یاد بہت آیا موسم گل میں
وہ سرخ پھول سا چہرہ کھلا ہوا اب کے

مرغوب علی

---

---

حقیقی چہرہ کہیں پر ہمیں نہیں ملتا
سبھی نے چہرہ پہ ڈالے ہیں مصلحت کے نقاب

مرغوب علی

---

---

کرسی میز کتابیں؟ بستر انجانے سے تکتے ہیں
دیر سے اپنے گھر جائیں تو سب کچھ یوں ہی لگتا ہے

مرغوب علی

---

---

میں اس کو بھول جاؤں رات یہ مانگی دعا میں نے
کروں کیا میں اگر میری دعا واپس پلٹ آئے

مرغوب علی

---

---

مجھ کو برباد خود ہی ہونا تھا
تم پہ الزام بے سبب آئے

مرغوب علی

---

---

رات پڑتے ہی ہر اک روز ابھر آتی ہے
کس کے رونے کی صدا ذات کے سناٹے میں

مرغوب علی

---

---