wo jo na aane wala hai na us se mujh ko matlab tha
aane walon se kya matlab aate hain aate honge

Jaun Eliya

---

---

yaad aate hain moajaze apne
aur us ke badan ka jadu bhi

Jaun Eliya

---

---

yaad use intihai karte hain
so hum us ki burai karte hain

Jaun Eliya

---

---

yaro kuchh to zikr karo tum us ki qayamat banhon ka
wo jo simaTte honge un mein wo to mar jate honge

Jaun Eliya

---

---

ye bahut gham ki baat ho shayad
ab to gham bhi ganwa chuka hun main

Jaun Eliya

---

---

ye kafi hai ki hum dushman nahin hain
wafa-dari ka dawa kyun karen hum

Jaun Eliya

---

---

ye mujhe chain kyun nahin paDta
ek hi shaKHs tha jahan mein kya

Jaun Eliya

---

---

ye paiham talKH-kaami si rahi kya
mohabbat zahr kha kar aai thi kya

Jaun Eliya

---

---

ye war kar gaya hai pahlu se kaun mujh par
tha main hi daen baen aur main hi darmiyan tha

Jaun Eliya

---

---