shishe ke is taraf se main sab ko tak raha hun
marne ki bhi kisi ko fursat nahin hai mujh mein

Jaun Eliya

---

---

shab jo hum se hua muaf karo
nahin pi thi bahak gae honge

Jaun Eliya

---

---

shayad wo din pahla din tha palken bojhal hone ka
mujh ko dekhte hi jab us ki angDai sharmai hai

Jaun Eliya

---

---

sham hui hai yar aae hain yaron ke hamrah chalen
aaj wahan qawwali hogi 'jaun' chalo dargah chalen

Jaun Eliya

---

---

sab se pur-amn waqia ye hai
aadmi aadmi ko bhul gaya

Jaun Eliya

---

---

paDi rahne do insanon ki lashen
zamin ka bojh halka kyun karen hum

Jaun Eliya

---

---

mujh se ab log kam hi milte hain
yun bhi main haT gaya hun manzar se

Jaun Eliya

---

---

mujhe ab hosh aata ja raha hai
KHuda teri KHudai ja rahi hai

Jaun Eliya

---

---

mujhe ab tum se Dar lagne laga hai
tumhein mujh se mohabbat ho gai kya

Jaun Eliya

---

---