ab to us ke bare mein tum jo chaho wo kah Dalo
wo angDai mere kamre tak to baDi ruhani thi
Jaun Eliya
ab to har baat yaad rahti hai
ghaaliban main kisi ko bhul gaya
Jaun Eliya
ab nahin milenge hum kucha-e-tamanna mein
kucha-e-tamanna mein ab nahin milenge hum
Jaun Eliya
ab meri koi zindagi hi nahin
ab bhi tum meri zindagi ho kya
Jaun Eliya
ab ki jab jaanana tum ko hai sabhi par e'tibar
ab tumhein jaanana mujh par e'tibar aaya to kya
Jaun Eliya
ab KHak uD rahi hai yahan intizar ki
ai dil ye baam-o-dar kisi jaan-e-jahan ke the
Jaun Eliya
ab jo rishton mein bandha hun to khula hai mujh par
kab parind uD nahin pate hain paron ke hote
Jaun Eliya
aaKHiri baat tum se kahna hai
yaad rakhna na tum kaha mera
Jaun Eliya
aaj mujh ko bahut bura kah kar
aap ne nam to liya mera
Jaun Eliya