tumhaari yaad mein jine ki aarzu hai abhi
kuchh apna haal sambhaalun agar ijazat ho

Jaun Eliya

---

---

us gali ne ye sun ke sabr kiya
jaane wale yahan ke the hi nahin

Jaun Eliya

---

---

us ke honTon pe rakh ke honT apne
baat hi hum tamam kar rahe hain

Jaun Eliya

---

---

us ne goya mujhi ko yaad rakha
main bhi goya usi ko bhul gaya

Jaun Eliya

---

---

us se har-dam moamla hai magar
darmiyan koi silsila hi nahin

Jaun Eliya

---

---

wafa iKHlas qurbani mohabbat
ab in lafzon ka pichha kyun karen hum

Jaun Eliya

---

---