ab nahin milenge hum kucha-e-tamanna mein
kucha-e-tamanna mein ab nahin milenge hum
Jaun Eliya
aainon ko zang laga
ab main kaisa lagta hun
Jaun Eliya
ab to us ke bare mein tum jo chaho wo kah Dalo
wo angDai mere kamre tak to baDi ruhani thi
Jaun Eliya
ab tum kabhi na aaoge yani kabhi kabhi
ruKHsat karo mujhe koi wada kiye baghai
Jaun Eliya
ai shaKHs main teri justuju se
be-zar nahin hun thak gaya hun
Jaun Eliya
ai subh main ab kahan raha hun
KHwabon hi mein sarf ho chuka hun
Jaun Eliya
apna rishta zamin se hi rakkho
kuchh nahin aasman mein rakkha
Jaun Eliya
apne andar hansta hun main aur bahut sharmata hun
KHun bhi thuka sach-much thuka aur ye sab chaalaki thi
Jaun Eliya
apne sab yar kaam kar rahe hain
aur hum hain ki nam kar rahe hain
Jaun Eliya