mil rahi ho baDe tapak ke sath
mujh ko yaksar bhula chuki ho kya

Jaun Eliya

---

---

meri sharab ka shohra hai ab zamane mein
so ye karam hai to kis ka hai ab bhi aa jao

Jaun Eliya

---

---

mujh ko aadat hai ruTh jaane ki
aap mujh ko mana liya kije

Jaun Eliya

---

---

mujh ko KHwahish hi DhunDne ki na thi
mujh mein khoya raha KHuda mera

Jaun Eliya

---

---

mujh ko to koi Tokta bhi nahin
yahi hota hai KHandan mein kya

Jaun Eliya

---

---

teri qimat ghaTai ja rahi hai
mujhe furqat sikhai ja rahi hai

Jaun Eliya

---

---

sab se pur-amn waqia ye hai
aadmi aadmi ko bhul gaya

Jaun Eliya

---

---

sham hui hai yar aae hain yaron ke hamrah chalen
aaj wahan qawwali hogi 'jaun' chalo dargah chalen

Jaun Eliya

---

---

shayad wo din pahla din tha palken bojhal hone ka
mujh ko dekhte hi jab us ki angDai sharmai hai

Jaun Eliya

---

---