aankh jhapki thi bas ek lamhe ko aur is ke baad
main ne DhunDa hai tujhe zindagi sahra sahra

Iftikhar Mughal

---

---

abhi chhuTi nahin jannat ki dhul panw se
hanuz farsh-e-zamin par naya naya hun main

Iftikhar Mughal

---

---

gher leti hai koi zulf, koi bu-e-badan
jaan kar koi giraftar nahin hota ya

Iftikhar Mughal

---

---

hum ne us chehre ko bandha nahin mahtab-misal
hum ne mahtab ko us ruKH ke mumasil bandha

Iftikhar Mughal

---

---

ek KHala, ek la-intiha aur main
kitne tanha hain mera KHuda aur main

Iftikhar Mughal

---

---

kai dinon se mere sath sath chalti hai
koi udas si ThanDi si koi parchhain

Iftikhar Mughal

---

---

KHuda! sila de dua ka, mohabbaton ke KHuda
KHuda! kisi ne kisi ke liye dua ki thi

Iftikhar Mughal

---

---

kisi sabab se agar bolta nahin hun main
to yun nahin ki tujhe sochta nahin hun main

Iftikhar Mughal

---

---

main tum ko KHud se juda kar ke kis tarah dekhun
ki main bhi tum hun, koi dusra nahin hun main

Iftikhar Mughal

---

---