آج تک یاد ہے وہ شام جدائی کا سماں
تیری آواز کی لرزش ترے لہجے کی تھکن

عظیم مرتضی

---

---

اب امتیاز ظاہر و باطن بھی مٹ گیا
دل چاک ہو رہا ہے گریباں کے ساتھ ساتھ

عظیم مرتضی

---

---

بے خودی میں جسے ہم سمجھے ہیں تیرا دامن
عین ممکن ہے کہ اپنا ہی گریباں نکلے

عظیم مرتضی

---

---

بیتابیٔ حیات میں آسودگی بھی تھی
کچھ تیرا غم بھی تھا غم دوراں کے ساتھ ساتھ

عظیم مرتضی

---

---

درد محرومئ جاوید بھی اک دولت ہے
اہل غم بھی ترے شرمندۂ احساں نکلے

عظیم مرتضی

---

---

ایک درد ہستی نے عمر بھر رفاقت کی
ورنہ ساتھ دیتا ہے کون آخری دم تک

عظیم مرتضی

---

---

ہم درد کے مارے ہی گراں جاں ہیں وگرنہ
جینا تری فرقت میں کچھ آساں تو نہیں ہے

عظیم مرتضی

---

---

جو ہو سکے تو چلے آؤ آج میری طرف
ملے بھی دیر ہوئی اور جی اداس بھی ہے

عظیم مرتضی

---

---

خلوص نیت رہبر پہ منحصر ہے عظیمؔ
مقام عشق بہت دور بھی ہے پاس بھی ہے

عظیم مرتضی

---

---