کچھ آپ کا غم کچھ غم جاں کچھ غم دنیا
دامن میں مرے پھول بھی ہیں خار بھی خس بھی

عظیم مرتضی

---

---

کچھ نقش تری یاد کے باقی ہیں ابھی تک
دل بے سر و ساماں سہی ویراں تو نہیں ہے

عظیم مرتضی

---

---

کیا کیا فراغتیں تھیں میسر حیات کو
وہ دن بھی تھے کہ تیرے سوا کوئی غم نہ تھا

عظیم مرتضی

---

---

تنہائی کا سناٹا اور آتی جاتی راتیں
تیری یاد نہ اور کوئی غم پھر بھی نیند نہ آئے

عظیم مرتضی

---

---

تجھ سے مل کے بھی تیرا انتظار رہتا ہے
صبح روئے خنداں سے شام زلف برہم تک

عظیم مرتضی

---

---

ٹوٹا تو عزیز اور ہوا اہل وفا کو
دل بھی کہیں اس شوخ کا پیماں تو نہیں ہے

عظیم مرتضی

---

---

وہی یکسانیت شام و سحر ہے کہ جو تھی
زندگی دست بہ دل خاک بسر ہے کہ جو تھی

عظیم مرتضی

---

---