dil ko malum hai kya baat batani hai use
us se kya baat chhupani hai zaban jaanti hai

Arshad Abdul Hamid

---

---

gham-e-jahan o gham-e-yar do kinare hain
udhar jo Dube wo aksar idhar nikal aae

Arshad Abdul Hamid

---

---

halqa-e-dil se na niklo ki sar-e-khucha-e-KHak
aish jitne hain isi kunj-e-kam-asar mein hain

Arshad Abdul Hamid

---

---

hamein to shama ke donon sire jalane hain
ghazal bhi kahni hai shab ko basar bhi karna hai

Arshad Abdul Hamid

---

---

haweli chhoDne ka waqt aa gaya 'arshad'
sutun larazte hain aur chhat ki miTTi girti hai

Arshad Abdul Hamid

---

---

ishq marhun-e-hikayat-o-guman bhi hoga
waqia hai to kisi taur bayan bhi hoga

Arshad Abdul Hamid

---

---

KHuda kare ye raushni paDe kabhi na mand
galon par wo likh gaya aadhe aadhe chand

Arshad Abdul Hamid

---

---

kis kis ko samjhaega ye nadani chhoD
chehre ko sundar bana aaina mat toD

Arshad Abdul Hamid

---

---

kuchh sitare meri palkon pe chamakte hain abhi
kuchh sitare mere sine mein samae hue hain

Arshad Abdul Hamid

---

---