munh mein waiz ke bhi bhar aata hai pani aksar
jab kabhi tazkira-e-jam-e-sharab aata hai

Bekhud Dehlvi

---

---

takiya haTta nahin pahlu se ye kya hai 'beKHud'
koi botal to nahin tum ne chhupa rakkhi hai

Bekhud Dehlvi

---

---

lutf-e-mai tujh se kya kahun zahid
hae kam-baKHt tu ne pi hi nahin

you've never drunk O hapless priest
The joys of wine how will you see

Dagh Dehlvi

---

---

puchhiye mai-kashon se lutf-e-sharab
ye maza pak-baz kya jaanen

Dagh Dehlvi

---

---

waiz baDa maza ho agar yun azab ho
dozaKH mein panw hath mein jam-e-sharab ho

Dagh Dehlvi

---

---

ab to utni bhi mayassar nahin mai-KHane mein
jitni hum chhoD diya karte the paimane mein

the tavern does not even give that much wine to me
that I was wont to waste in the goblet casually

Divakar Rahi

---

---

aae kuchh abr kuchh sharab aae
is ke baad aae jo azab aae

Faiz Ahmad Faiz

---

---