wo mile bhi to ek jhijhak si rahi
kash thoDi si hum piye hote

Abdul Hamid Adam

---

---

zaban-e-hosh se ye kufr sarzad ho nahin sakta
main kaise bin piye le lun KHuda ka nam ai saqi

Abdul Hamid Adam

---

---

kisi tarah to ghaTe dil ki be-qarari bhi
chalo wo chashm nahin kam se kam sharab to ho

Aftab Hussain

---

---

gham-e-duniya bhi gham-e-yar mein shamil kar lo
nashsha baDhta hai sharaben jo sharabon mein milen

let love's longing with the ache of existence compound
when spirits intermingle the euphoria is profound

Ahmad Faraz

---

---

shabab-e-dard meri zindagi ki subh sahi
piyun sharab yahan tak ki sham ho jae

Akhtar Ansari

---

---

aja ki hai pas-e-hashr hum ko karenge pas-e-shabab pahle
hisab hota rahega ya rab hamein manga de sharab pahle

Akhtar Shirani

---

---

zahid umid-e-rahmat-e-haq aur hajw-e-mai
pahle sharab pi ke gunah-gar bhi to ho

Ameer Minai

---

---