دھوپ بڑھتے ہی جدا ہو جائے گا
سایۂ دیوار بھی دیوار سے

بہرام طارق

---

---

سبھی انساں فرشتے ہو گئے ہیں
کسی دیوار میں سایہ نہیں ہے

بمل کرشن اشک

---

---

دھوپ جوانی کا یارانہ اپنی جگہ
تھک جاتا ہے جسم تو سایہ مانگتا ہے

اعجاز گل

---

---

دھوپ بولی کہ میں آبائی وطن ہوں تیرا
میں نے پھر سایۂ دیوار کو زحمت نہیں دی

فرحت احساس

---

---

ہم ایک فکر کے پیکر ہیں اک خیال کے پھول
ترا وجود نہیں ہے تو میرا سایا نہیں

فارغ بخاری

---

---

کسی کی راہ میں آنے کی یہ بھی صورت ہے
کہ سایہ کے لیے دیوار ہو لیا جائے

غلام مرتضی راہی

---

---

یاروں نے میری راہ میں دیوار کھینچ کر
مشہور کر دیا کہ مجھے سایہ چاہئے

غلام مرتضی راہی

---

---