دھوپ نکلی ہے بارشوں کے بعد
وہ ابھی رو کے مسکرائے ہیں

انجم لدھیانوی

---

---

مسکرا کر دیکھ لیتے ہو مجھے
اس طرح کیا حق ادا ہو جائے گا

انور شعور

---

---

یوں مسکرائے جان سی کلیوں میں پڑ گئی
یوں لب کشا ہوئے کہ گلستاں بنا دیا

اصغر گونڈوی

---

---

نہیں عتاب زمانہ خطاب کے قابل
ترا جواب یہی ہے کہ مسکرائے جا

حفیظ جالندھری

---

---

ہمارے گھر سے جانا مسکرا کر پھر یہ فرمانا
تمہیں میری قسم دیکھو مری رفتار کیسی ہے

حسن بریلوی

---

---

اتنا رویا ہوں غم دوست ذرا سا ہنس کر
مسکراتے ہوئے لمحات سے جی ڈرتا ہے

حسن نعیم

---

---

محفل میں لوگ چونک پڑے میرے نام پر
تم مسکرا دئے مری قیمت یہی تو ہے

ہاشم رضا جلالپوری

---

---