hamari muskurahaT par na jaana
diya to qabr par bhi jal raha hai

Aanis Moin

---

---

aur bhi kitne tariqe hain bayan-e-gham ke
muskuraati hui aankhon ko to pur-nam na karo

Abdul Aziz Fitrat

---

---

jaise pau phaT rahi ho jangal mein
yun koi muskurae jata hai

Ahmad Mushtaq

---

---

wahan salam ko aati hai nange panw bahaar
khile the phul jahan tere muskurane se

Ahmad Mushtaq

---

---

mere habib meri muskurahaTon pe na ja
KHuda-gawah mujhe aaj bhi tera gham hai

Ahmad Rahi

---

---

wo muskura ke koi baat kar raha tha 'shumar'
aur us ke lafz bhi the chandni mein bikhre hue

Akhtar Shumar

---

---

ab aur is ke siwa chahte ho kya 'mulla'
ye kam hai us ne tumhein muskura ke dekh liya

Anand Narayan Mulla

---

---