nind ko log maut kahte hain
KHwab ka nam zindagi bhi hai

Ahsan Yusuf Zai

---

---

ji laga rakkha hai yun tabir ke auham se
zindagi kya hai miyan bas ek ghar KHwabon ka hai

Ain Tabish

---

---

hum tere KHwabon ki jannat se nikal kar aa gae
dekh tera qasr-e-ali-shan KHali kar diya

Aitbar Sajid

---

---

han kabhi KHwab-e-ishq dekha tha
ab tak aankhon se KHun Tapakta hai

Akhtar Ansari

---

---

koi maal-e-mohabbat mujhe batao nahin
main KHwab dekh raha hun mujhe jagao nahin

Akhtar Ansari

---

---

main ne jo KHwab abhi dekha nahin hai 'aKHtar'
mera har KHwab usi KHwab ki tabir bhi hai

Akhtar Hoshiyarpuri

---

---

KHwab galiyon mein phir rahe the aur
log apne gharon mein soe the

Akhtar Razaa Saleemi

---

---