ek KHwab hi to tha jo faramosh ho gaya
ek yaad hi to thi jo bhula di gai to kya

Iftikhar Arif

---

---

KHwab ki tarah bikhar jaane ko ji chahta hai
aisi tanhai ki mar jaane ko ji chahta hai

Iftikhar Arif

---

---

wahi hai KHwab jise mil ke sab ne dekha tha
ab apne apne qabilon mein baT ke dekhte hain

Iftikhar Arif

---

---

KHwab, ummid, tamannaen, talluq, rishte
jaan le lete hain aaKHir ye sahaare sare

Imran-ul-haq Chauhan

---

---

kis ajab saat-e-nayab mein aaya hua hun
tujh se milne main tere KHwab mein aaya hua hun

Irfan Sattar

---

---

hai bahut kuchh meri tabir ki duniya tujh mein
phir bhi kuchh hai ki jo KHwabon ke jahan se kam hai

Irfan Siddiqi

---

---

uTho ye manzar-e-shab-tab dekhne ke liye
ki nind shart nahin KHwab dekhne ke liye

Irfan Siddiqi

---

---