koi maal-e-mohabbat mujhe batao nahin
main KHwab dekh raha hun mujhe jagao nahin
kisi ki yaad hai un ki mahak se wabasta
mujhe ye phul KHuda ke liye sunghao nahin
mohabbat aur jawani ke tazkire na karo
kisi satae hue ko bahut satao nahin
ye kah raha hai mohabbat ki kawishon se dil
ye mere hansne ke din hain mujhe rulao nahin
ujaD ke phir nahin basta jahan-e-dil 'aKHtar'
bahaar-e-bagh ko is par dalil lao nahin
Ghazal
Koi maal-e-mohabbat mujhe batao nahin
Akhtar Ansari