TuT kar ruh mein shishon ki tarah chubhte hain
phir bhi har aadmi KHwabon ka tamannai hai

Asghar Mehdi Hosh

---

---

KHwabon ke ufuq par tera chehra ho hamesha
aur main usi chehre se nae KHwab sajaun

Athar Nafees

---

---

aaina aaina tairta koi aks
aur har KHwab mein dusra KHwab hai

Atiiqullah

---

---

har ek raat ko mahtab dekhne ke liye
main jagta hun tera KHwab dekhne ke liye

Azhar Inayati

---

---

hamare KHwab chori ho gae hain
hamein raaton ko nind aati nahin hai

Bakhsh Layalpuri

---

---

yaad mein KHwab mein tasawwur mein
aa ki aane ke hain hazar tariq

Bayan Meeruti

---

---

ahti hui aankhon ki rawani mein mare hain
kuchh KHwab mere ain-jawani mein mare hain

Ejaaz tawakkal

---

---