pyar gaya to kaise milte rang se rang aur KHwab se KHwab
ek mukammal ghar ke andar har taswir adhuri thi

Ghulam Mohammad Qasir

---

---

tumhaare KHwab se har shab lipaT ke sote hain
sazaen bhej do hum ne KHataen bheji hain

Gulzar

---

---

aasar-e-ishq aankhon se hone lage ayan
bedari ki taraqqi hui KHwab kam hua

Haidar Ali Aatish

---

---

ziyarat hogi kabe ki yahi tabir hai is ki
kai shab se hamare KHwab mein but-KHana aata hai

Haidar Ali Aatish

---

---

har ek aankh ko kuchh TuTe KHwab de ke gaya
wo zindagi ko ye kaisa azab de ke gaya

Hakeem Manzoor

---

---

hamari jeb mein KHwabon ki rezgari hai
so len-den hamara dukan se bahar hai

Hasan Abbas Raza

---

---

sara-e-dil mein jagah de to kaT lun ek raat
nahin hai shart ki mujh ko sharik-e-KHwab bana

Hasan Nayeem

---

---